Афзоиши кишти зироат дар кишвар

Душанбе, 19 сентябр. (АМИТ «Ховар», Фирӯза Давлатова).- Бо мақсади таъмини амнияти озуқаворӣ дар кишвар кишти зироатҳои кишоварзӣ барои ҳосили соли 2012 дар хоҷагиҳои ҷамоавӣ ва деҳқонӣ (фермерӣ) бояд дар масоҳати 308358 гектар, аз ҷумла ғалладонаи тирамоҳӣ дар 178260 гектар ва ғалладонаи баҳорӣ дар 130098 гектар кишт гузаронида мешуд. Тибқи омор, дар давраи ҳисоботӣ кишоварзони ҷумҳурӣ дар масоҳати 176402 гектар кишти тирамоҳии зироати ғалладонагӣ гузарониданд, ки ба 99 фоизи дурнамо баробар мебошад. Инчунин дар соли ҷорӣ дар майдони 78006 гектар кишти такрорӣ гузаронида шудааст, ки 99,8 фоизи нақшаро ташкил медиҳад. Назар ба иттилои Вазорати кишоварзӣ майдони кишти ғалладона аз 31903 гектар иборат аст. Дар айни замон дар хоҷагиҳои кишоварзии ҷумҳурӣ кишти такрории зироати кишоварзӣ идома дорад.