Баррасии масоили тандурустӣ

Қурғонтеппа, 27 сентябр.(АМИТ «Ховар», Мурод Сотиев).- Имрӯз, 27 сентябр, иҷлосияи навбатии 11 даъвати чоруми Маҷлиси вакилони мардумии вилояти Хатлон баргузор мегардад. Тавре ки мутахассиси шӯъбаи иттилоот ва таҳлили маъмурияти вилояти Хатлон Нарзулло Олимов ба АМИТ «Ховар» хабар дод, дар иҷлосия масъалаҳои ҳифзи тандурустии аҳолӣ баррасӣ мешаванд. Вакилон ҳамчунин ҳисоботи комиссияи доимии Маҷлиси вакилони мардумии вилояти Хатлон аз рӯи масъалаҳои кишоварзӣ, маводи ғизоӣ, ислоҳоти замин ва истифодаи захираҳои табииро шунида ва арзёбӣ мекунанд.