Бизнес-форуми Тоҷикистону Олмон

Сентябрь 7, 2012 10:04

Душанбе, 7 сентябр. (АМИТ «Ховар», Покиза Маҳмадбекова). — Бо мақсади рушди муносибатҳо миёни Ҷумҳурии Тоҷикистон ва Ҷумҳурии Федеролии Олмон 6 сентябри соли равон дар Вазорати рушди иқтисод ва савдои ҷумҳурӣ Бизнес-форуми соҳибкорони Тоҷикистону Олмон баргузор гардид.   Тавре ба мухбири АМИТ «Ховар» аз Вазорати мзкур иттилоъ доданд, дар рафти Бизнес-форум бо иштироки вазири рушди иқтисод ва савдои Тоҷикистон Шариф Раҳимзода ва мудири кулли Кумитаи шарқии иқтисоди Олмон, пофессор Райнер Линднер масъалаҳои ҷорӣ ва дурнамои ҳамкориҳои минбаъда мавриди баррасӣ қарор гирифтанд. Таваҷҷӯҳи бештар ба татбиқи лоиҳаҳои муштарак, пешбурди сармоягузорӣ ва рушди фаъолияти соҳибкорӣ равона гардид. Бояд гуфт, ки чорабинии мазкур бо ташаббуси Сафорати Ҷумҳурии Тоҷикистон дар Ҷумҳурии Федеролии Олмон ва дастгирии Вазорати федеролии иқтисод ва технологияи Олмон, Кумитаи шарқии иқтисоди Олмон ва Агентии энергетикии Олмон сурат гирифт. Дар Бизнес-форум намояндагони вазорату идораҳои дахлдори кишвар ва намояндагони ширкатҳои маъруфи энергетикӣ, сармоягузорӣ ва муассисаҳои молиявии Олмон иштирок намуданд. Дар рафти ҳамоиш лоиҳаҳои мухталиф оид ба таҳкими муносибатҳо миёни соҳибкорони Тоҷикистону Олмон муаррифӣ гардиданд.

Сентябрь 7, 2012 10:04

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд