Боздиди сардори Хадамоти муҳоҷирати ҶТ аз шаҳри Самара

Сентябрь 4, 2012 16:40

Душанбе, 4 сентябр.(АМИТ «Ховар», Марҳабо Зунунова).- Сардори Хадамоти муҳоҷирати назди Ҳукумати ҶТ Сафиалло Девонаев дар ҷараёни сафари кориаш ба Русия 3 сентябр дар шаҳри Самара бо сардори Раёсати Хадамоти федералии муҳоҷирати Русия дар вилояти Самара Валерий Яковлев мулоқот намуд. Дар ин бора аз дафтари матбуоти Намояндагии Хадамоти муҳоҷирати Ҷумҳурии Тоҷикистон дар Федератсияи Русия ба АМИТ «Ховар» хабар доданд. Мусоҳибон масоили ҳамкории дуҷониба дар бахши муҳоҷирати меҳнатӣ, фаъолияти қонунии муҳоҷирон, ҳифзи ҳуқуқу манофеи онҳо, ҳамчунин кори муштарак ва ҷалби ҷамоаи тоҷикон дар ҷараёни фароҳам овардани шароити ба муҳити иҷтимоиву фарҳангии ҷомеаи Русия одат кардани шаҳрвандони Тоҷикистонро мавриди муҳокима қарор доданд. Сафиалло Девонаев аз фаъолияти Хадамоти муҳоҷирати назди Ҳукумати Ҷумҳурии Тоҷикистон, аз ҷумла, перомуни омӯзиши забони русӣ нақл кард. Валерий Яковлев дар навбати худ ба мусоҳибаш аз вазъи муҳоҷират дар минтақа хабар дода, изҳор дошт, ки ҷониби Русия омода аст бо Намояндагии Хадамоти муҳоҷирати назди Ҳукумати Ҷумҳурии Тоҷикистон дар Федератсияи Русия ва намояндагии Корхонаи воҳиди давлатии «Тоҷикхориҷакор» дар амри ҳифзи ҳуқуқҳои муҳоҷирони меҳнатии Тоҷикистон ҳамкорӣ намояд. Сафиалло Девонаев ҳамчунин бо намояндагони ҷамоаи тоҷикон ва муҳоҷирони меҳнатӣ дар шаҳри Самара мулоқот намуд.

Сентябрь 4, 2012 16:40

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд