Боздиди вакил аз МОИ «Суғд»

Душанбе, 20 сентябр. (АМИТ «Ховар», Людмила Дубинина).- Чанде пеш намояндаи Маҷлиси намояндагони Маҷлиси Олии Ҷумҳурии Тоҷикистон Домуллоҷон Ҷабборов аз минтақаи озоди иқтисодии «Суғд» дидан кард. Мавсуф ба ҳозирон перомуни Кодекси нави андози кишвар, ки чанде пеш онро парлумони мамлакат қабул намуда буд, нақл кард. Мувофиқи суханони Домуллоҷон Ҷабборов, сабабҳои асосии ворид намудани тағйироту иловаҳо ба лоиҳаи Кодекси андоз хоҳиши шаҳрвандон ва аз теъдоди зиёди андозҳо ва нархи онҳо норозӣ будани соҳибкорон мебошад. Кодекси нави андози Ҷумҳурии Тоҷикистон аз 1 январи соли 2013 ба мавқеи иҷро мерасад. Аз ҷумла, зикр шуд, ки бо назардошти таҷрибаи Гурҷистон дар бахши андоз ба лоиҳаи Кодекси нав беш аз 30 фоиз тағйирот ворид гардид. Ба лоиҳаи нав 360 номгӯй илова шуда, теъдоди андозҳо аз 21 адад то ба 10 адад кам карда шуд. Дар ин бора мутахассиси маркази иттилооту таҳлили минтақаи озоди иқтисодии «Суғд» Муҳайё Қаюмова ба АМИТ «Ховар» хабар дод.