Cаги хизматӣ 4 кг каннабис ёфт

Душанбе, 17 август. (АМИТ «Ховар», Мавҷуда Анварӣ). — Кормандони Агентии назорати маводи нашъаовари кишвар дар қаламрави шаҳри Душанбе мошини тамғаи «Opel»-ро, ки аз ҷониби сокини 62-солаи пойтахт идора мешуд, боздоштанд.Дар ҷараёни санҷиш бо истифода аз саги хизматӣ аз бордони мошин ду адад баста бо маводи нашъадори навъи каннабис бо вазни 4 килограм пайдо гардид.Дар ҷараёни санҷиш ва гузаронидани чорабиниҳои иловагӣ як нафар ҳаммаслаки ӯ, ки зода ва сокини 48-солаи шаҳри Кӯлоби вилояти Хатлон мебошад, дастгир шуд. Агентӣ бо мақсади ошкор ва дастгир намудани шахсони дигаре, ки ба ин амали ҷиноятӣ робита доранд, муайян кардани роҳҳои қочоқи каннабис ба пойтахти кишвар ва минбаъд ба беруни ҷумҳурӣ интиқол додани он чораҳои фаврию ҷустуҷӯӣ мегузаронад. Дар ин бора аз Агентии назорати маводи нашъаовари назди Президенти Ҷумҳурии Тоҷикистон ба АМИТ «Ховар» иттилоъ доданд.