Дар ноҳияи Шаҳритус корхонаи семент бунёд мешавад

Душанбе, 13 сентябр.(АМИТ «Ховар», Кристина Эрлих).- Дар ноҳияи Шаҳритус корхонаи нави семент бунёд мегардад. Тавре ки аз Вазорати энергетика ва саноати Ҷумҳурии Тоҷикистон ба АМИТ «Ховар» хабар доданд, дар айни ҳол ҳуҷҷатҳои техникию иқтисодии он таҳия мегарданд. Мувофиқи суханони манбаъ, лоиҳаи корхонаро ширкати тавлиди маводи сохтмонии Чин тартиб дода, онро якҷоя бо Ширкати алюминии Тоҷикистон бунёд мекунад. Мувофиқи ҳисоботи пешакӣ, барои амалӣ намудани ин лоиҳа беш аз 300 миллион доллари амрикоӣ зарур аст. Иқтидори солонаи корхонаи оянда 1 миллион тонна сементро ташкил медиҳад.