Дастаи мунтахаби наврасон ба Туркманистон меравад

Душанбе, 18 сентябр. (АМИТ «Ховар», Аловиддин Бӯриев). – Аз 20 то 29 сентябр дар пойтахти Туркманистон мусобиқаи байналмилалии футболбозон барои Ҷоми президенти ин кишвар бо ширкати 9 даста баргузор мешавад, ки дар он футболбозони навраси Тоҷикистон ҳам ширкат меварзанд. Дастпарварони Нӯъмон Юсупов ба гурӯҳи «Б» шомил буда, бо дастаҳои Украина ( 21 сентябр), Ӯзбекистон (23 сентябр) ва Беларус (25 сентябр) мусобиқа мекунанд. Дастаҳои Туркманистон, Русия, Қазоқистон, Қирғизистон ва Арманистон дар гурӯҳи «А» ҷойгир шудаанд. Аз ҳар гурӯҳ ду дастагӣ ба бозиҳои минбаъда роҳхат мегиранд.