Директори ҶДММ «Навбаҳор-98» дуздӣ кард

Душанбе, 28 сентябр. (АМИТ «Ховар», Мавҷуда Анварӣ). – Аз ҷониби кормандони ҳифзи ҳуқуқи кишвар директори ҶДММ «Навбаҳор-98» Ёдгор Неъматович Назарови 48 сола, сокини ноҳияи Ҳисор бо гумони қаллобӣ дастгир шуд. Номбурда аз вазифаи худ сӯйистифода намуда, бо имзо ва мӯҳри корхонааш ҳуҷҷати расмии қалбакиро таҳти №7 аз 31.03.с.2011 бо роҳи сохтакорӣ истифода бурда, ба суратҳисоби бонки ҶДММ-и мазкур аз суратҳисоби ҶДММ «Газпромнефт Тоҷикистон», воқеъ дар кӯчаи Чехови шаҳри Душанбе маблағи пулиро ба миқдори 1 миллиону 260 ҳазор сомонӣ бо истифодаи техникаи компютерӣ гузаронидааст. Аз рӯи ин ҳодиса парвандаи ҷиноӣ боз гардида, тафтиш идома дорад.Дар ин бора аз Вазорати корҳои дохилӣ ба АМИТ «Ховар» иттилоъ доданд.