Дурнамои ҳамкории Иттиҳоди гумрукӣ ва Тоҷикистон

Душанбе 25 сентябр. (АМИТ «Ховар» Людмила Дубинина).-Иштирокдорони мизи мудаввар дар мавзӯи «Иттиҳоди гумрукӣ ва Тоҷикистон:дурнамои нави ҳамгироӣ», ки 29 сентябр дар шаҳри Душанбе баргузор мегардад, масъалаҳои ҳамроҳ шудани Тоҷикистон ба Иттиҳоди гумрукиро мавриди муҳокима қарор медиҳанд. Ин чорабиниро созмони ғайритиҷоратии Бунёди рушди «Институти таҳқиқи АвруОсиё»ва Институти иқтисод ва демографияи Академия илмҳои Тоҷикистон бо дастгирии Раёсати Президенти Федерацияи Русия оид ба робитаҳои байниминтақавӣ ва фарҳангӣ бо кишварҳои хориҷӣ созмон додаанд. Дар кори мизи мудаввар намояндагони мақомоти ҳокимият,аҳли тиҷорат ва ташкилотҳои ғайриҳукуматӣ,коршиносон ва намояндагони васоити ахбори оммаи Русия ва Тоҷикистон иштирок мекунанд. Дар ин бора аз Намояндагии бунёди рушди «Институти таҳкиқи АвруОсиё дар Тоҷикистон» ба АМИТ «Ховар»хабар доданд.