Дуздони моҳир ба даст афтоданд

Душанбе, 27 сентябр. (АМИТ «Ховар», Мавҷуда Анварӣ). – Кормандони мақомоти ҳифзи ҳуқуқи ноҳияи Ваҳдат ҳамчун гумонбар дар дуздӣ шаҳрвандон Ҷомаҳмад Саидови 28 сола, сокини деҳаи Нозирободи ноҳияи Ваҳдат, Зафар Муродови 25 сола ва Файзулло Нурализодаи Вайсиддин, соли таваллудаш 1990, сокинони деҳаи Калони ҳамин ноҳияро дастгир карданд. Онҳо шаби 25 ба 26-уми сентябри соли ҷорӣ аз базаи таъмири артели заршӯии «Помир», воқеъ дар деҳаи Калони ноҳияи Ваҳдат 2-адад муҳаррики компрессорро, ки арзишашон 15 ҳазору 950 сомониро ташкил медиҳад, дуздида аз ҷойи ҳодиса ғайб задаанд. Далели шайъӣ гирифта шуда, аз рӯи ин ҳодиса парвандаи ҷиноӣ оғоз гардидааст.Дар ин бора аз Вазорати корҳои дохилии кишвар ба АМИТ «Ховар» иттилоъ доданд.