Элизабет МакКи дар Тоҷикистон

Душанбе, 21 сентябр.(АМИТ «Ховар»,Кристина Эрлих).-20 сентябр директори Агентии ИМА оид ба рушди байналмилалӣ дар Осиёӣ Марказӣ (USAID) хонум Эрин Элизабет МакКи барои боздиди хотимавӣ ба Тоҷикистон омад. Тавре ки дар Сафорати ИМА дар Тоҷикистон ба АМИТ «Ховар» хабар доданд, Эрин Элизабет МакКи ва директории нави USAID дар Тоҷикистон Кэтлин Макдоналд дар маросими ифтитоҳи маркази нави обгармкунакҳои офтобии мактаб-интернати рақами 4 ш.Душанбе ширкат намуданд. Лоиҳаи мазкур дар натиҷаи ҳамкории байни маркази экологии минтақавии Осиёи Марказӣ ва раёсати шарҳдории Душанбе рӯи кор оварда шудааст. Қобили зикр аст,ки USAID тайи 3 соли охир 57 низоми таъмини обро бунёд ва таҷдид намуд,ки 190 ҳазор нафар сокинонро бо оби тозаи нӯшокӣ таъмин мекунанд.