Эмомалӣ Раҳмон: «Ислом танҳо ибодат нест!»
Душанбе, 1 сентябр. (АМИТ «Ховар», Афшини Муқим)- «Баъзе падару модарон бе дарки оқибатҳои вазнини тақдири фарзанд бачаҳои ноболиғро бо роҳҳои ғайриқонунӣ ба хориҷи кишвар барои таълими динӣ ба муассисаҳои таълимии равияи экстремистӣ мефиристанд. Аксари онҳое, ки имрӯз ба ватан баргардондем, ба забони тоҷикӣ навишта ва хонда наметавонанд». Ин нуктаро Эмомалӣ Раҳмон зимни суханронии худ дар ифтитоҳи Мактаби байналмилалии президентӣ дар ҳузури устодону толибилмон ва масъулини соҳаҳои дахлдор иброз намуд. Эмомалӣ Раҳмон аз он изҳори нигаронӣ намуд, ки ҳол он, ки дар ислом ҳамаи арзишҳо тибқи мақом ва мартабаи худ арҷгузорӣ шудаанд ва дини ислом дар баробари ибодат ва таълимоти динӣ буданаш, инчунин саршор аз арзишҳои волои некӣ, саховатмандӣ, инсондӯстӣ, адлпарварӣ, илмомӯзӣ ва таҳаммулгароист, аммо ба ҳамаи ин нигоҳ накарда, баъзе падару модарон аз сабаби боло гирифтани ҳисси таассуб фарзандони худро ба чунин роҳи нодуруст раҳнамоӣ мекунанд. Президенти кишвар аз ҳадиси паёмбари ислом: «омӯхтани илм баландтар аз ибодат аст» ёдовар шуда, таълиму тарбияи фарзандони соҳибмаърифат, бонангу номус, ватандӯсту ватанпарвар, дорои ахлоқу одоби ҳамида ва ҳунарманду соҳибкасбро бузургтарин рисолати падару модар ва вазифаи муқаддаси ҳар як оила ва ҷомеа унвон кард. Дар охир Эмомалӣ Раҳмон таъкид бар он намуд, ки амалӣ гардидани Қонун «Дар бораи масъулияти падару модар дар таълим ва тарбияи фарзанд» то ба ҳол ба таври дилхоҳ ба роҳ монда нашуда, татбиқи воқеии он аз ҳамаи мо, пеш аз ҳама, аз падару модарон андешидани чораҳои заруриро талаб менамояд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






