Фароғатгоҳи устодони донишгоҳ

Душанбе, 24 сентябр. (АМИТ «Ховар», Фарҳод Мадаминов). – Осоишгоҳи устодони Донишгоҳи давлатии Кӯлоб, ки дар яке аз минтақаҳои хушҳавои ноҳияи Мӯъминобод қарор дорад, таъмир ва бозсозӣ мешавад. Раиси донишгоҳи мазкур А. Табаров бо зикри ин матлаб изофа намуд, ки бо кӯмаки Вазорати маорифи кишвар дар бобати беҳбуди вазъи маишии устодони донишгоҳ ва фароҳам овардани шароити мусоид барои фароғати онҳо тадбирҳои мушаххас амалӣ мегарданд.