Фестивали байналмилалии санъати театрӣ
Душанбе, 21 сентябр. (АМИТ «Ховар», Раъно Нусратуллоева).- Чанде пеш дар Театри ба номи А.П. Чехови шаҳри Ялтаи Украина фестивали V-уми байналмилалии санъати театрии «Театр.Чехов. Ялта» баргузор гардид, ки дар он дастовардҳои беҳтарини бахши санъати театрӣ намоиш дода шуданд. Имсол ҳайатҳои театрии бисёр кишварҳои ҷаҳон, аз ҷумла Тоҷикистон, Украина, Русия, Эрон, Миср, Исроил, Фаронса ба манзури иштирок дар фестивал ба Кумитаи тадорукоти он дархост дода буданд. Ташкилкунандагони фестивал баъди муҳокимаи муфассал ва арзёбии холисона 13 намоишномаи театрҳои касбии Украина, Русия, Миср, Эстония, Арабистони Саудӣ, Лаҳистон, Тоҷикистон ва Молдоваро манзури ҳаводорони театр намуданд. Театри давлатии ҷавонони Тоҷикистон ба номи М.Воҳидов дар фестивал намоишномаи «Рустам ва Суҳроб»-ро дар заминаи достони «Рустам ва Суҳроб»-и Фирдавсӣ намоиш дод, ки аз шуҷоату қаҳрамонӣ, моҷароҳои дарборӣ ва муҳаббату хиёнат қисса мекунад.
Ҳунарпешагони тоҷик барои таҷассуми барҷастаи ҳамосаи классикии миллӣ бо воситаҳои муосири театрӣ ба дипломи ҷашнвора сазовор гардиданд.Дар ин бора ба мухбири АМИТ «Ховар» аз Вазорати фарҳанги ҷумҳурӣ Раҳматулло Раҳматуллоев хабар дод.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






