Футбол барои мухлисон аст ё…?

Сентябрь 13, 2012 16:26

Душанбе, 13 сентябр. (АМИТ «Ховар», Аловиддин Бӯриев) –Дирӯз дар варзишгоҳи марказии пойтахт бори аввал бозии футбол зери партави чароғҳои мунаввар барпо гардид. Дастаи «Энергетик» дар рақобати аввали нимниҳоии Ҷоми Тоҷикистон бо «Истиқлол» қувва озмуда, бо натиҷаи 1 бар 3 мағлуб шуд. Барпо шудани ин дидор дар соати 19 шом барои ҳамаи дӯстдорони футбол хеле гуворо буд. Танҳо истиқболи маъмурияти варзишгоҳ дили онҳоро хаста кард. Тақрибан 1000 нафар мухлисе, ки вориди майдон шуданд, намедонистанд чӣ тавр ба рӯи курсиҳои серчангу ғубор, ки моҳҳои зиёд тоза карда нашуда буданд, нишинанд. Ба бахти онҳо бозингаре либосҳои варзишиашро барои тоза кардани курсиҳо пешниҳод кард ва онҳо тавонистанд каме ҳам бошад, курсиҳоро барои нишастан мувофиқ кунонанд. Магар маъмурияти варзишгох аз барпо шудани ин бозӣ бехабар буд? Магар онҳо гумон карданд, ки ба дидани бозӣ касе намеояд? Футбол борои мухлисон аст ва варзишгоҳ ҳам. Аз ин рӯ, кормандони варзишгоҳро мебояд, ки варзишгоҳро ҳам барои бозӣ омода кунанду ҳам барои мухлисон. Дар пеш баргузории бозиҳои ниҳоии Ҷоми президенти Конфедератсияи футболи Осиё дар варзишгоҳи марказии пойтахт дар назар аст. Биёед ба нафси мухлисони бозии футбол нарасем. Бе ин ҳам шумораи онҳо нисбат ба солҳои пешин коҳидааст. Дар дидори дувуми нимниҳоӣ дастаи «Регар- ТадАЗ» дар мизбонӣ «Гвардия»-ро бо натиҷаи 3 бар 0 шикаст дод. Бозиҳои ҷавобӣ рӯзи 15 ва 17-сентябр баргузор мешаванд. «Истиқлол» ин вохӯриашро дар варзишгоҳи марказии пойтахт дар соати 19-и шом бо дастаи «Энергетик» доир мекунад.

Сентябрь 13, 2012 16:26

Хабарҳои дигари ин бахш

Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд