Харидории автобусҳои мутобиқ ба стандарти «Евро-3»

Душанбе, 28 сентябр.(АМИТ «Ховар», Марзия Саидова).- Шаҳрдории Душанбе дар бобати харидории 150 адад автобуси мусофиркаши хурдҳаҷм тендер эълон менамояд. Тибқи қарори раиси шаҳри Душанбе автобусҳое, ки харидорӣ мегарданд, бояд мутобиқ ба стандарти экологии «Евро-3» мӯҳлати истифодаи кафолатии на камтар аз 2 сол дошта бошанд,. инчунин бо муҳаррики бензинӣ, дизелӣ ва сўзишвории гази моеъ ҳаракат намоянд. Дархостҳои хоҳишмандон ҷиҳати иштирок дар озмун аз 1 то 10 октябри соли равон пазируфта мешавад ва тендер 11 октябри соли 2012 дар маҷлисгоҳи дастгоҳи раиси шаҳри Душанбе баргузор ва ҷамъбаст мегардад . Ҳадаф аз харидории 150 адад автобуси мусофиркаши хурдҳаҷм баланд бардоштани сатҳи хизматрасонӣ ба мусофирон дар хатсайрҳои гуногуни пойтахт аст.