Иҷрои нақшаи солонаи ангишт

Душанбе, 5 сентябр. (АМИТ «Ховар», Дилшодаи Хайруллоҳ). — Корхонаҳои соҳаи ангишт нақшаи солонаи ангиштро дар ҷумҳурӣ (нақшаи солона 220000тонна.) пеш аз мӯҳлат иҷро намуданд. Ҳаҷми истихроҷи ангишт дар ҷумҳурӣ ба 221,5 ҳазор тонна расонида шуд, ки ин нисбат ба ҳамин давраи соли сипаригардида 110,0 ҳазор тонна зиёд ё ба 197,4 фоизи нақша баробар аст. Фурӯши ангишт бо назардошти бақияи солҳои пешин дар якҷоягӣ бо воридот дар ҷумҳурӣ 240 ҳазор тоннаро ташкил дод, ки нисбат ба ҳамин давраи соли гузашта 118,6 ҳазор тонна зиёд мебошад. Захираи ангишт дар анборҳои корхонаҳои соҳаи ангишт ва нуқтаҳои фурӯш зиёда 38 ҳазор тоннаро ташкил дод. Дар айни замон истихроҷи шабонарӯзии ангишт 5-6 ҳазор тоннаро ташкил медиҳад ва муштариён метавонанд аз ин нуқтаҳо ва анборҳо ангишт харидорӣ намоянд.Дар ин бора ба мухбири АМИТ «Ховар» аз котиботи Вазорати энергетика ва саноат иттилоъ доданд.