Ифтитоҳи филиали нави «Тоҷиксодиротбонк» дар ВМКБ
Душанбе, 21 сентябр. (АМИТ “Ховар”, Покиза Махмадбекова). — Дар шаҳраки Ваҳдат — маркази ноҳияи Шуғнони Вилояти Мухтори Кӯҳистони Бадахшон бо иштироки Президенти Ҷумҳурии Тоҷикистон маросими ифтитоҳи филиали нави “Тоҷиксодиротбонк” баргузор шуд. Ба мухбири АМИТ “Ховар” аз маркази матбуоти бонки мазкур иттилоъ доданд, ки Сарвари давлат кушоиши филиали нави бонкро дар амри фарогирӣ ва беҳтарсозии хизматрасониҳои бонкӣ ба мардуми минтақаҳои кӯҳистони мамлакат ҳамчун як қадами нав ба пеш арзёбӣ намуда, бо шароити кор ва фаъолияти кормандони он аз наздик ошно гардид. Зимни шиносоӣ бо шароити кории филиали нав Президенти мамлакат мӯҳтарам Эмомалӣ Раҳмон ба раиси ҶСК “Тоҷиксодиротбонк” Тоҷиддин Пиров дастур дод, ки дар рӯзи таҷлили ҷашни Забони тоҷикӣ ба 1300 оилаи ниёзманди ноҳияи Шуғнон ёрии якдафъаинаи моддӣ расонда, хатнасури фарзандони онҳоро баргузор намоянд.Бояд тазаккур дод, ки ин нӯҳумин филиали “Тоҷиксодиротбонк” аст, ки маҳз дар чанд соли охир дар шаҳру ноҳияҳои Вилояти Мухтори Кӯҳистони Бадахшон, ифтитоҳ шудаву амал менамоянд ва ҳамагӣ бо навтарин таҷҳизоти компютерӣ ва идорӣ таъмин гардидаанд.Бо ифтитоҳи филиали нав 32 нафар сокинони ноҳияи Шуғнон соҳиби ҷои кори нав бо музди меҳнати хуб мегарданд.Ҳамчунин қайд кардан ба маврид аст, ки то якуми октябри соли равон дар ҷамоатҳои Сағирдашти н.Дарвоз, деҳоти Баррӯшони н.Рушон, Навободи н.Шуғнон марказҳои хизматрасониҳои бонкӣ таъсис дода мешаванд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






