Кӯмак ба донишҷӯёниёни бепарастор

Хуҷанд, 12 сентябр. (АМИТ «Ховар», Мирзалӣ Амонов).- Дар Донишгоҳи Давлатии Хуҷанд ба номи академик Б.Ғафуров 46 нафар донишҷӯёни яккаву танҳо, ятим ва бепарастор таҳсил мекунанд. Ин донишҷӯён ҳамеша аз тарафи раёсати Донишгоҳ таҳти пуштибонӣ қарор гирифтаанд. Бахшида ба 21-солагии истиқлолияти давлатӣ роҳбарият ва кумитаи иттифоқҳои касабаи донишгоҳ ба ин донишҷӯён ғамхорӣ зоҳир намуда кӯмаки пулии яквақта расониданд. Ба онҳо бар замми идрорпулии муқаррарӣ, идрорпулии иловагии ҳармоҳа таъин шудааст. Ин донишҷӯён дар симои раёсат ва аҳли Донишгоҳ ғамхору саробони худро доранд.