Кӯмак ба оилаҳои ниёзманд

Чкалов, 11 сентябр. (АМИТ «Ховар», Мирзалӣ Амонов).-Бо иқдоми мақомоти иҷроияи ҳокимияти давлатии шаҳри Чкалов ва дастгирии амонатгузории «Амонатбонк» дар вилояти Суғд ва корхонаи сангҳои ороишии «Элегант» хатнасури дастаҷамъонаи 24 нафар писарбачаҳо аз оилаҳои ниёзманди шаҳр ва мактаб парваришгоҳи махсуси мақомоти иҷроияи ҳокимияти давлатии вилояти Суғд, ки дар шаҳри Чкалов воқеъ аст, доир гардид. Ҳамчунин, барои 200 нафар собиқадорони меҳнат ва маъюбон дастурхони идона оростанд. Ба ҳар яки писарбачаҳо ашхоси саховатпеша Музаффар Шамсуллоев ва Абдуаҳад Мӯъминов тӯҳфаҳои идона ва саропо либос тақдим намуда, таманно доштанд, ки хубу аъло таҳсил намоянд, дилпур бошанд, ки дар симои давлату ҳукумат, ғамхору парастори доимӣ доранд.