Корхонаи коркарди ғалла

Спитамен, 3 сентябр. (АМИТ «Ховар» Мирзалӣ Амонов).-Дар ноҳияи Спитамени вилояти Суғд бо иқдоми соҳибкорони ватанӣ Султонхоҷа ва Мухторхоҷа Ҳасановҳо технологияи ҳозиразамони коркарди ғалла васлу насб гардид. Барои сохтмони корхона ва васлу насби таҷҳизот 2 млн. сомонӣ маблағ масраф гардида, хатти технологии он иқтидори коркарди 3000 тонна ғалларо дорад. Ба кори корхонаи коркарди ғаллаи ширкати «Султони Эдаким» 50 нафар сокини ноҳияи Спитамен ҷалб шудаанд. Аз ҷониби соҳибкорони ватанӣ дар оянда тавсеаи корхона пешбинӣ шуда, коргоҳҳои истеҳсоли хӯроки чорво ва коркарди дубораи маҳсулоти ғалла, инчунин бунёди анбори ашёи хом бо ғунҷоиши 6000 тонна ғалла ба нақша гирифта шудааст.