Корхонаи нави хурд дар Кӯлоб

Душанбе, 20 сентябр. (АМИТ «Ховар», Кристина Эрлих).- Дар шаҳри Кӯлоб сохтмони корхонаи хурди тавлиди макарон анҷом меёбад. Таҷҳизоти корхонаи нав аз кишвари Олмон оварда шудааст. Иқтидори истеҳсолии таҷҳизоти нав дар як соат 250 килограмм маҳсулотро ташкил медиҳад. Дар ин бора аз Вазорати энергетика ва саноати ҶТ ба АМИТ «Ховар» хабар доданд.Мувофиқи суханони манбаъ, корхонаи нав барои тавлиди маҳсулот орди навъи аълоро истифода намуда ва бо ин васила маҳсулоти хушсифат истеҳсол менамояд.Қобили зикр аст, ки ҳар сол дар кишвар дар натиҷаи ташкили корхонаю коргоҳҳои нав истеҳсоли макарон афзун мегардад. Ҳоло дар вилоятҳои Хатлону Суғд ва ноҳияҳои тобеи ҷумҳурӣ чунин корхонаҳо фаъолият доранд.