Корвон ба коми оташ рафт

Сентябрь 6, 2012 09:21

Душанбе, 6 сентябр. (АМИТ «Ховар», Мавҷуда Анварӣ). – Тақрибан соати 17-у 40 дақиқаи шоми дирӯз дар бозори калонтарини пойтахт- «Корвон» сӯхтор ба амал омад. Аз Хадамоти оташнишонии Вазорати корҳои дохилии Тоҷикистон ба АМИТ «Ховар» иттилоъ доданд, ки дар айни замон раҳбарият ва кормандони ин хадамот дар маҳалли ҳодиса қарор доранд, то сабабҳои сар задани сӯхторро маълум намоянд. Ин манбаъ гуфт, ки чунин сӯхтор дар таърихи кишвар бори аввал ба вуқӯъ пайвастааст ва яке аз сабабҳои дар муддати кӯтоҳ масоҳати зиёдро фаро гирифтани оташ вазидани шамол буд. Ҳарчанд масъулини Хадамоти оташнишонӣ сабаби сар задани сӯхторро «номаълум» гуфтанд, вале фарзияҳои зиёде миёни савдогарон вуҷуд дорад. Ба гуфтаи як нафар шоҳид ҳангоми сӯхтор теъдоди зиёди мошинҳои сӯхторнишон дар маҳалли ҳодиса қарор доштанд ва талош мекарданд, то ҳар чӣ зудтар шӯълаи оташро хомӯш кунанд, вале аз сабаби он, ки ҳамаи мошинҳо дуди оташро дида, дар роҳ истоданд, ин ҳолат ба оташнишонон имкони сари вақт ба ҷои ҳодиса расидану зуд хомӯш кардани сӯхторро надод. Дуди ғализи ин сӯхтор фазои маҳаллаҳои атрофи бозорро фаро гирифта буд.Як нафари дигар аз фаъолияти посбонҳои «Корвон» изҳори нигаронӣ намуда, иброз дошт: «ҳамаи борам ба коми оташ рафту хокистар шуд. Мо ҳар сари моҳ барои патент, барои иҷора ва ҳатто барои посбонҳо пул месупорем, бояд онҳо ин маконро назорат мекарданд». Ёдовар мешавем, ки бар асари ин сӯхтор ҳам хисороти моливу ҳам ҷонӣ расидааст.
 
 

Сентябрь 6, 2012 09:21

Хабарҳои дигари ин бахш

Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд