Маҳсулоти кишоварзии арзон дар Роғун

Душанбе, 6 сентябр. (АМИТ «Ховар», Дилшодаи Хайруллоҳ). — Вазорати кишоварзии ҷумҳурии Тоҷикистон бо мақсади татбиқи дастуру супоришҳои Сарвари давлат, дар арафаи ҷашни Истиқлолияти давлатии Тоҷикистон ва сазовор ҷашн гирифтани 20- умин солгарди Иҷлосияи 16-уми Шурои Олии Ҷумҳурии Тоҷикистон 5 сентябри соли ҷорӣ дар шаҳраки Роғун намоишу фурӯши маҳсулоти кишоварзиро доир намуд. Баҳри ғанӣ гардонидани дастурхони аҳолӣ зиёда аз 74690 тонна маҳсулоти гуногуни кишоварзӣ, аз ҷумла картошка, пиёз, гӯшт, тухм, моҳӣ, биринҷ ва дигар полезиҳо бо нархи нисбат ба бозор 30-40 фоиз арзон пешкаши харидорон гардонида шуд. Ҳамзамон ба тариқи ройгон ба ятимхонаи шаҳри Роғун аз тарафи мақомоти иҷроияи ҳокимияти давлатии ноҳияи Мӯъминобод 6 тонна маҳсулоти гуногуни кишоварзӣ тақдим карда шуд.