Махзани миллии маълумоти ҷойҳои кории холӣ

Сентябрь 4, 2012 14:46

Душанбе, 4 сентябр. (АМИТ «Ховар», Дилшодаи Хайруллоҳ). — Агентии давлатии ҳифзи иҷтимоӣ, шуғли аҳолӣ ва муҳоҷирати Вазорати меҳнат ва ҳифзи иҷтимоии аҳолии Ҷумҳурии Тоҷикистон ба таваҷҷӯҳи шаҳрвандон ва ташкилоту муассисаҳо мерасонад, ки дар давоми як сол сомонаи «Махзани миллии маълумот оид ба ҷойҳои кории холӣ» дар суроғаи www.kor.tj кор мекунад.  Фаъолияти ин сомона бевосита ба эҳтиёҷоти шаҳрвандони бекор, корҷӯён, муҳоҷирони меҳнатӣ ва корфармоён нигаронида шуда, дар он маълумоти муфассал доир ба ҷойҳои кории холӣ дар дохил ва хориҷи кишвар, тозатарин навигариҳои вазъи бозори меҳнат, санадҳои меъёрии ҳуқуқӣ доир ба масъалаҳои шуғли аҳолӣ, пурсишномаҳои иҷтимоӣ, тадқиқот доир ба вазъи бозори меҳнат ҷой дода шудаанд. Тавассути ин сомона шаҳрвандони бекор, корҷӯён, муҳоҷирони меҳнатӣ метавонанд барои худ дар дохил ва хориҷи кишвар ҷойи кори муносиб пайдо кунанд, корфармоён дар ҷустуҷӯи кормандони ихтисосманд аз он ройгон истифода намуда, маълумотро оид ба ҷойҳои кории холӣ дар сомона ҷойгир намоянд. Дар ин сомона мунтазам теъдоди қариб 10 ҳазор ҷойи кории холӣ дар ҷумҳурӣ ва хориҷ бо нишон додани музди меҳнат ва дигар шароити корӣ ҷойгир шудааст, ки шаҳрвандон метавонанд барои ҷустуҷӯи кори муносиб аз он истифода намоянд.Илова ба ин, шаҳрвандон имкон доранд тавассути ин сомона маълумотро доир ба касбомӯзӣ дар марказҳои таълимӣ, ярмаркаи ҷойҳои кории холӣ пайдо намуда, доир ба ҳама намуди хизматрасониҳои мақомоти давлатии шуғли аҳолӣ иттилоъ гиранд, арзу шикояти худро доир ба фаъолияти мақомоти мазкур пешниҳод намоянд. Дар ин бора ба мухбири АМИТ «Ховар» аз шӯъбаи робитаҳои байналмилалӣ ва ҷамъиятии иттилоотии Вазорати ҳифзи иҷтимоӣ ва аҳолии ҶТ иттилоъ доданд.

Сентябрь 4, 2012 14:46

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд