Маросими савгандёдкунии курсантон

Суғд, 21 сентябр. (АМИТ «Ховар», Самад Юсуфӣ).- Имрӯз дар факултети № 4-и Академияи ВКД Ҷумҳурии Тоҷикистон маросими савганди курсантони курси якум гузаронида шуд, ки дар он меҳмонон низ иштирок намуданд. Дар чорабинӣ Шариф Назаров, генерал- майори милитсия, сардори Раёсати Вазорати корҳои дохилӣ дар вилояти Суғд, Юсуфҷон Баҳронов, полковники мустаъфӣ, собиқадори мақомоти корҳои дохилӣ, Шавкат Ҳакимҷонов, узви Шӯрои интернатсионалистони вилояти Суғд, нафақахӯри Вазорати корҳои дохилии Ҷумҳурии Тоҷикистон ва дигарон ширкат намуданд.Дар чорабинӣ зиёда аз 90 нафар курсант савганд ёд карда, инчунин маҳорату малакаи худро дар ҷодаи варзиш баръало нишон доданд.