Маросими таҷлил аз 21-солагии истиқлолияти кишвар
Душанбе, 10 сентябр. (АМИТ «Ховар», Афшини Муқим)- Шоми дирӯз бо иштироки Президенти Ҷумҳурии Тоҷикистон Эмомалӣ Раҳмон дар Муассисаи давлатии «Наврӯзгоҳи пойтахт» тантанаи бузурги идона бахшида ба 21-умин солгарди истиқлолияти давлатии Ҷумҳурии Тоҷикистон баргузор гардид. Ин базми идонаро Президенти кишвар Эмомалӣ Раҳмон бо суханронии худ ҳусни оғоз бахшид. Эмомалӣ Раҳмон дар доираи суханронии кӯтоҳи худ аз арзишҳои мӯътабари миллӣ, аз ҷумла истиқлолият ва ваҳдати миллӣ ёдовар шуда, ҳифзу таҳкими онро вазифаи муқаддаси ҳар як сокини кишвар хонд. Дар тантанаи таҷлил аз 21-умин солгарди истиқлолияти давлатии Ҷумҳурии Тоҷикистон меҳмонон аз кишварҳои хориҷ ва инчунин ҳазорон нафар сокинони кишвар бо рӯҳи болида иштирок намуданд. Намоиши театрикунонидаи аҳли ҳунар, ки фарогири сурудҳои ҷаззоб дар васфи ёру диёр ва мусиқиҳои дилнишину рақсҳои зебо буд, ба ин тантана шукӯҳи дучанд бахшид. Маросими таҷлил аз 21-умин солгарди истиқлолияти кишвар бо суханронии интиҳоии Эмомалӣ Раҳмон ба охир расид. Президенти кишвар ба аҳли санъат ва ҳунар, ки дар таҳия ва омодасозии намоиши театрикунонидашуда заҳматҳо кашидаанд, арзи сипос намуда, ба эшон дастагули зебоеро ҳадя намуд. Бо ҳамин тантанаи таҷлил аз 21-умин солгарди истиқлолияти давлатии Ҷумҳурии Тоҷикистон ба анҷом расид.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






