Мастӣ ба пастӣ мебарад

Сентябрь 25, 2012 14:58

Душанбе, 25 сентябр. (АМИТ «Ховар», Музаффар Рустамов). –19 сентябри соли 2012 соати 21.30 ронандаи мототсикли тамғаи «Планета-5», бе рақами қайди давлатӣ, таҳти идораи ронанда Шералӣ Ҷӯраев, соли тавалудаш 1987, сокини ноҳияи Бобоҷон Ғафуров дар ҳолати мастӣ бе ҳуҷҷати ронандагӣ ҳангоми ҳаракат дар роҳи мошингарди Ғафуров-Овчӣ Қалъача аз ўҳдаи идораи воситаи нақлиёт набаромада, ба дарахти канори роҳ бармехӯрад, ки дар натиҷа ронанда ҷароҳати вазнини ҷисмонӣ бардошта, дар беморхона ба ҳалокат мерасад.  Ҳамчунин 20 сентябри соли 2012 соати 23.00 дар ноҳияи Данғара ронандаи мошини тамғаи «Опел-Астра» Раҷабмурод Ҷалилов, соли таввалудаш 1972, ҳангоми ҳаракат аз самти шаҳри Душанбе ба самти шаҳри Кӯлоб дар километри 90 аз ўҳдаи идораи мошин набаромада, мошинро ба канали обгузар чаппа мекунад, ки дар натиҷа ронанда ва мусофираш Мирзомуддин Муродов, соли таввалудаш 1946 ҷароҳати ҷисмонӣ бардошта, дар ҷои ҳодиса ба ҳалокат мерасанд. Ҳамин тариқ, аз 16 то 23 сентябри соли ҷорӣ дар роҳҳои мошингарди ҷумҳурӣ 23 садамаи роҳу нақлиётӣ ба қайд гирифта шудааст, ки бар асари онҳо 7 нафар ба ҳалокат расида, 22 нафари дигар бо ҷароҳатҳои гуногуни ҷисмонӣ дар беморхонаҳо бистарӣ гардидаанд. Дар ин бора аз шӯъбаи ташвиқоту тарғиботи раёсати Бозрасии Давлатии Автомобилии Вазорати корҳои дохилии ҶТ Маҳмадшариф Шамсов иттилоъ дод.

Сентябрь 25, 2012 14:58

Хабарҳои дигари ин бахш

Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд