Мулоқоти чоруми вазирони корҳои хориҷии МҲТБО
Душанбе, 11 сентябр.(АМИТ «Ховар», Покиза Маҳмадбекова).- 12 сентябр дар шаҳри Остона мулоқоти чоруми вазирони корҳои хориҷии кишварҳои иштирокунандаи Машварати ҳамкорӣ ва тадбирҳои боварӣ дар Осиё (МҲТБО ) бахшида ба 20-солагии созмони мазкур баргузор мегардад. Тавре ки аз Раёсати иттилоот, матбуот, таҳлил ва тарҳрезии сиёсати хориҷии ВКХ ҶТ ба АМИТ «Ховар» хабар доданд, дар мулоқот муовини вазири корҳои хориҷии Ҷумҳурии Тоҷикистон Маҳмудҷон Собиров иштирок мекунад. Аз рӯи натиҷаи иҷлосия эъломияи мулоқоти вазирон қабул мешавад, ки бояд ба саъю кӯшишҳои машварат барои таҳкими сулҳу амнияти Осиё қувваи нав бахшад. Ҳамчунин табодули афкор аз рӯи мавзӯъҳои мубрам дар назар аст. Аз ҷумла, вазъияти Шарқи Наздик, Африқои Шимолӣ ва Афғонистон, масъалаи паҳн накардани аслиҳаи қатли ом, муқобилат ба ҷинояткории трансмиллӣ, ҳамчунин афзалиятҳои ҳамкории иқтисодӣ дар доираи машварати зикршуда мавриди муҳокима қарор мегиранд. Дар мулоқот ҳайатҳои 24 давлати аъзои Машварати ҳамкорӣ ва тадбирҳои боварӣ дар Осиё иштирок менамоянд. Вазирони корҳои хориҷии 8 давлат ва роҳбарони 14 созмони байналмилалӣ ба ҳайси меҳмонон даъват шудаанд.








Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст






