Мулоқоти Э. Раҳмон бо Директори иҷроияи ширкати Khoday groop

Душанбе, 3 сентябр. (АМИТ «Ховар»).-Президенти Ҷумҳурии Тоҷикистон Эмомалӣ Раҳмон дар шаҳри Деҳлӣ Директори иҷроияи ширкати Ходай групп (Khoday groop) — и Ҳиндустон Шри Ҳари Ходайро ба ҳузур пазируфт.Дар мулоқот нақшаҳои кунунӣ ва ҳамкории ояндаи ин ширкат бо Тоҷикистон муҳокима гардид.Тавре зикр гардид, ин ширкат бо Тоҷикистон нақшаҳои зиёди ҳамкорӣ, пеш аз ҳама дар соҳаҳои гидроэнергетика, аз ҷумла доир ба бунёди нерӯгоҳҳои барқӣ, истихроҷ ва коркарди маъданҳои кӯҳӣ ва парандапарварӣ дорад.Ёддошти тафоҳуме, ки имрӯз миёни ин ширкат ва Вазорати энергетика ва саноати Тоҷикистон ба имзо расид, заминаи хуби қарордодию ҳуқуқии густариши робитаҳо хоҳад буд.Дар ин бора ба АМИТ «Ховар» аз Хадамоти матбуоти Президенти Ҷумҳурии Тоҷикистон иттилоъ доданд.