Мулоқоти Эмомалӣ Раҳмон бо сарвари мухолифин дар Парлумони Ҳиндустон
Душанбе, 3 сентябр. (АМИТ «Ховар»).-Нимаи дуюми рӯз Президенти Ҷумҳурии Тоҷикистон Эмомалӣ Раҳмон дар шаҳри Деҳлӣ Сарвари мухолифин дар Лок Сабҳа (Палатаи мардумӣ) — Палатаи поёнии парлумони Ҷумҳурии Ҳиндустон, намояндаи Ҳизби Мардумии Ҳиндустон дар Парлумон Сушма Свараҷро ба ҳузур пазируфт.Дар мулоқот, асосан масоили вобаста ба робитаҳои миёнипарлумонии ду кишвар, рушди институтҳои ҷомеаи шаҳрвандӣ, тақвияти равандҳои демократӣ ва таъмини волоияти қонун баррасӣ гардид.“Ҳиндустон барои мо на танҳо намунаи пешрафти босуръати иқтисодӣ, балки ҳамчун кишвари дорои анъанаҳои ғании демократӣ ҷозибанок аст”- изҳор дошт Сарвари давлати Тоҷикистон Эмомалӣ Раҳмон.Сушма Свараҷ низ дар навбати худ ба фаъолияти Парлумони дупалатагии Тоҷикистон, рушди равандҳои демократикунонии ҷомеа, таъмини ҳуқуқу озодиҳои инсон ва таҷрибаи омӯхтании сулҳсозии кишвари мо таваҷҷуҳ зоҳир намуд.Ҳарду ҷониб омодагии худро ба густариши ҳамкорӣ дар ин самтҳо таъкид доштанд.Дар ин бора ба АМИТ «Ховар» аз Хадамоти матбуоти Президенти Ҷумҳурии Тоҷикистон иттилоъ доданд.
Имрӯз дар Тоҷикистон борони кӯтоҳмуддат меборад
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
Имрӯз мардуми Мамлакати Шоҳигарии Арабистони Саудӣ 96-солагии ҷашни миллияшонро таҷлил менамоянд
Аз 23 то 25 сентябр дар баъзе минтақаҳои Тоҷикистон омадани сел пешгӯӣ мешавад
Тоҷикистон пас аз рӯзи сеюми Бозиҳои Осиёӣ-2026 дар ҷадвали медалҳо дар зинаи ҳафтум қарор дорад
Дар Тоҷикистон беш аз 800 ҳазор тонна зироати ғалладонагӣ ҷамъоварӣ шудааст
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир шуд
