Мулоқоти С. Девонаев бо К. Ромодановский

Душанбе, 4 сентябр. (АМИТ «Ховар», Покиза Маҳмадбекова).- Сардори Ҳадамоти муҳоҷирати назди Ҳукумати Ҷумҳурии Тоҷикистон Сафиалло Девонаев дар ҳошияи сафари корӣ ба Федератсияи Русия бо роҳбари Хадамоти федералии муҳоҷирати Русия Константин Ромодановский мулоқот анҷом дод.Тавре ки аз Хадамоти муҳоҷирати Ҷумҳурии Тоҷикистон дар Федератсияи Русия ба АМИТ «Ховар» хабар доданд, дар ҷараёни мулоқот масъалаҳои ҳамоҳангсозии равандҳои муҳоҷират, ҳифзи ҳуқуқҳои муҳоҷирон, ҷалби муташаккилонаи муҳоҷирони Тоҷикистон дар ҳудуди Федератсияи Русия, ҳамчунин омӯзиши забони русӣ мавриди муҳокима қарор гирифтанд.Сафиалло Девонаев ҳамчунин бо вазъияти шаҳрвандони Ҷумҳурии Тоҷикистон, ки дар қаламрави Федератсияи Русия муваққатан кор мекунанд, шинос мешавад.