Намоишгоҳи маҳсулоти Чин дар Душанбе
Душанбе, 17 август. (АМИТ «Ховар», Покиза Маҳмадбекова). — Аз 18 то 21 сентябри дар шаҳри Душанбе Намоишгоҳ-ярмаркаи маҳсулоти содиротии Ноҳияи Мухтори Синҷону Уйғури ҶМЧ баргузор мегардад. Намоишгоҳ ба муносибати 20-солагии ҷашни Ичлосияи XVI-уми тарихии Шӯрои Олии Ҷумҳурии Тоҷикистон доир мешавад.Мавзӯи асосии намоишгоҳ, ки бо ибтикори Палатаи савдо ва саноати ҶТ ва бо дастгирии Ҳукумати Ҷумҳурии Тоҷикистон роҳандозӣ мешавад, ҳамкории мутақобилан муфид аст. Дар намоишгоҳ ба маҳсулоти кишоварзӣ, хоҷагии ҷангал ва саноат таваҷҷӯхи хосса дода мешавад. Дар ҳошияи намоишгоҳ ҳамоиши аҳли тиҷорати Тоҷикистон ва Ноҳияи Мухтори Синҷону Уйғур ва муаррифии Минтақаи озоди иқтисодии ноҳияи Кошғар ва ғайра дар назар аст. «Бо камоли итминон метавон гуфт, ки Тоҷикистон барои соҳаи тиҷорати Чин шарики басо ҷолиб маҳсуб меёбад»- гуфт муовини директори генералии маъмурияти ҳамкории наздисарҳадӣ Сопи Мутолиб.Қобили зикр аст, ки тайи даҳ соли охир муомилоти мол байни Тоҷикистон ва Чин сад баробар афзуда ва муомилоти солонаи он бештар аз 2 миллиард долларро ташкил дод. Дар Тоҷикистон якҷоя бо мушорикони чинӣ беш аз 50 лоиҳаи калони муштараки сармоягузорӣ рӯи кор оварда мешавад.
Имрӯз дар Тоҷикистон борони кӯтоҳмуддат меборад
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
Имрӯз мардуми Мамлакати Шоҳигарии Арабистони Саудӣ 96-солагии ҷашни миллияшонро таҷлил менамоянд
Аз 23 то 25 сентябр дар баъзе минтақаҳои Тоҷикистон омадани сел пешгӯӣ мешавад
Тоҷикистон пас аз рӯзи сеюми Бозиҳои Осиёӣ-2026 дар ҷадвали медалҳо дар зинаи ҳафтум қарор дорад
Дар Тоҷикистон беш аз 800 ҳазор тонна зироати ғалладонагӣ ҷамъоварӣ шудааст
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир шуд
