Намояндаи Тоҷикистон дар Вена эътимоднома супорид

Душанбе, 14 август. (АМИТ «Ховар», Мавҷуда Анварӣ). — 12 сентябри соли ҷорӣ мулоқоти Намояндаи доимии Тоҷикистон дар назди САҲА, СММ ва дигар созмонҳои байналмилалӣ дар Вена Исматулло Насриддинов бо Мудири кулли шӯъбаи СММ дар Вена, Мудири иҷроияи Дафтари СММ оид ба маводи мухаддир ва ҷиноят Юрий Федотов бо мақсади супоридани эътимоднома баргузор гардид. cСипас ҳамсӯҳбатҳо доир ба масъалаҳои ҳамкориҳо миёни Тоҷикистон ва Дафтари СММ оид ба маводи мухаддир ва ҷиноят мубодилаи афкор намуданд. Аз нигоҳи Мудири иҷроияи Дафтари СММ оид ба маводи мухаддир ва ҷиноят, Тоҷикистон шарики стратегӣ буда, ҳамкориҳо дар самти мубориза бо қочоқи маводи мухаддир ва истеъмоли он бояд давом дода шаванд.Намояндаи доимӣ зикр кард, ки Тоҷикистон ҳамкориҳоро бо созмонҳои байналмилалӣ ва кишварҳои шарик дар самти мустаҳкам намудани сарҳад ва пешгирии қочоқи маводи нашъаовар васеъ мегардонад. Дар ин бора аз Вазорати корҳои хориҷии кишвар ба АМИТ «Ховар» иттилоъ доданд.