Натиҷагирӣ аз татбиқи қонун

Душанбе, 5 сентябр. (АМИТ «Ховар», Дилшодаи Хайруллоҳ). — Имрӯз дар Кумитаи корҳои дини назди Ҳукумати Ҷумҳурии Тоҷикистон ҷаласаи ҳайати мушовара доир ба ҷараёни иҷрои Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон» дар нимсолаи дуввуми соли 2012 баргузор гардид.Дар ҷаласа аъзои Ҳайати мушовараи Кумитаи корҳои дини назди Ҳукумати Ҷумҳурии Тоҷикистон иштирок намуданд.Дар он аз фаъолияти комиссияҳои доимии танзими анъана ва ҷашну маросимҳои ноҳияҳои Айнӣ ва Мастчоҳи Кӯҳӣ натиҷагирӣ шуд. Бо дарназардошти хуб будани сатҳи фаъолияти босамари ноҳияҳои Айнӣ ва Мастчоҳи Кӯҳии вилояти Суғд, ба мудирони бахши ин ноҳияҳо аз ҷониби Кумитаи корҳои дини назди Ҳукумати Ҷумҳурии Тоҷикистон маводи методӣ, компютер ва дастгоҳҳои аккосии рақамӣ тақдим гардид.