Нозирони тоҷик ба Беларус мераванд
Душанбе, 20 сентябр. (АМИТ «Ховар», Марзия Саидова).- 23 сентябр дар Ҷумҳурии Беларус интихоботи парлумонӣ баргузор мегардад. Дар робита ба ин фардо, 21 сентябр намояндагони Тоҷикистон ҷиҳати мушоҳидаи ҷараёни баргузории ин чорабинии муҳими сиёсӣ ба пойтахти ин кишвар- шаҳри Минск сафар мекунанд. Намояндагони Тоҷикистон, аъзои Комиссияи марказии интихобот ва райъпурсии ҷумҳурӣ Раҷабалӣ Тағоев ва сармутахассиси Комиссияи мазкур Раҷабмурод Ашўров дар ҳайати нозирони Иттиҳоди Давлатҳои Мустақил /ИДМ/ баргузории интихоботи парлумонии Беларусро мушоҳида менамоянд. Ҳамзамон ду нафар вакили палатаи поёнии парлумони кишвар-Маҷлиси намояндагон ба ин ҳайат шомиланд. Тибқи Фармони Президенти Беларус Александр Лукашенко аз 18 июни соли равон санаи баргузории интихоботи парлумонӣ дар ин кишвар 23 сентябр муайян гардида буд. Алҳол ҷиҳати ноил гардидан ба 110 курсӣ дар палатаи поёнии парлумони ин кишвар- Палатаи намояндагони Маҷлиси Миллии Беларус 294 номзад мубориза мебаранд. Танҳо аз ҳайати нозирони ҳайати ИДМ 330 нозир баргузории интихоботи парлумонии Беларусро мушоҳида менамоянд. Сергей Лебедев –раиси Кумитаи иҷроия- котиби иҷроияи ИДМ , роҳбари ҳайати нозирони ИДМ бар он назар аст, ки ҷиҳати баргузории интихоботи озоду шаффоф ва демократӣ дар Ҷумҳурии Беларус тамоми шароити мусоид фароҳам оварда шудааст.








Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд






