Омӯзиши сабабҳои хариду фурӯши одамон

Душанбе, 12 август. (АМИТ «Ховар», Мавҷуда Анварӣ). — Дирӯз дар шаҳри Душанбе дар мавзӯи «Хариду фурӯши одамон ҳамчун ҷинояти фаромиллӣ ва таъқиби ҷиноятӣ» семинар баргузор гардид.
Аз Агентии назорати маводи нашъаовари назди Президенти Ҷумҳурии Тоҷикистон ба АМИТ «Ховар» иттилоъ доданд, ки ҳадафи аслии ин семинар баррасии сабаб ва шароитҳои хариду фурӯши одамон ва роҳҳои мубориза бо он буд.Ёдовар мешавем, ки дар семинар коршиносони Маркази миллии таълимӣ оид ба мубориза ба муқобили хариду фурӯши одамон, кормандони Прокуратураи генералӣ, омӯзгорони Донишгоҳи миллии Тоҷикистон ва мутассадиёни Созмони байналмилалии муҳоҷират ширкат варзиданд.