Осоишгоҳи «Сипар» ба истифода дода шуд

Сентябрь 7, 2012 09:25

Душанбе, 7 август. (АМИТ «Ховар», Мавҷуда Анварӣ). — Дар арафаи 21-умин солгарди истиқлолияти давлатии Ҷумҳурии Тоҷикистон дар саросари мамлакат корҳои созандагиву бунёдкорӣ рушди тоза пайдо намуда, сохтмон ва навсозии садҳо бинову иншоот дар соҳаҳои гуногуни ҳаёти кишвар ба назар мерасанд. Дар Вазорати корҳои дохилӣ низ бинову иншооти зиёде ва утоқҳои кории кормандон навсозӣ шуда, мавриди баҳрабардорӣ қарор гирифт. Аз ҷумла, дар ноҳияи Қайроққуми вилояти Суғд дар соҳили «Баҳри тоҷик» осоишгоҳи «Сипар»-и ВКД навсозӣ ва ба истифода дода шуд. Осоишгоҳи мазкур дар мавзеи хушбоду ҳавои Қайроққум бунёд гардида, бо беҳтарин шароитҳо барои истироҳати мизоҷон, утоқҳои истироҳату хӯрокхӯрӣ, тарабхонаву хонаҳои фароғативу варзишӣ ва ҳавзу мавзеъҳои махсус барои оббозӣ дар соҳили дарё таъмин аст.Кормандон, собиқадорон ва нафақахӯрони мақомоти мазкур метавонанд ҳамроҳ бо оила ва фарзандонашон дар ин осоишгоҳ истироҳат намуда, аз табиати нотакрор ва шароитҳои беҳтарини маишӣ истифода намоянд. Дар маросими кушоиши осоишгоҳ Раиси вилояти Суғд Қоҳир Расулзода, сардори Раёсати Вазорати корҳои дохилӣ дар вилояти Суғд Шариф Назаров ҳайати шахсӣ ва дигар шахсони расмӣ иштирок намуданд.

Сентябрь 7, 2012 09:25

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд