Пешгирӣ ва табобати бемориҳои ғайрисироятӣ

Душанбе, 26 сентябр. (АМИТ «Ховар», Мавҷуда Анварӣ). — 28 сентябри соли ҷорӣ дар шаҳри Душанбе ҷаласаи гурӯҳи кории коршиносони Шӯрои тандурустӣ дар назди Кумитаи ҳамгироии Иттиҳоди иқтисодии АвруОсиё баргузор мегардад.Дар ин бора аз маркази матбуоти Вазорати тандурустӣ ба хабарнигори АМИТ «Ховар» иттилоъ доданд.Ин ҳамоиш бо мақсади муайян намудани дурнамои рушди Стратегияи пешгирӣ ва табобати бемориҳои ғайрисироятӣ дар минтақаи АвруОсиё роҳандозӣ шудааст.Тибқи иттилои манбаъ, ба ҷаласа меҳмонон аз ҷумҳуриҳои Беларус, Қазоқистон, Қирғизистон ва Федератсияи Русия даъват шуда ва ин ҷаласаи нахустини гурӯҳи кории мазкур мебошад. Ёдовар мешавем, ки масъалаи пешгирӣ ва табобати бемориҳои ғайрисироятӣ дар минтақа бо пешниҳоди Ҷумҳурии Тоҷикистон қабул шудааст ва мавриди муҳокима қарор мегирад.