Пешниҳодоти интихобкунандагон марбут ба вазъи иҷтимоист
Душанбе, 20 сентябр.(АМИТ «Ховар», Марзия Саидова).- Масъалаҳои вобаста ба ҳаёти иқтисодию иҷтимоӣ ва фарҳангии шаҳри Ваҳдат дар мулоқоти вакили Маҷлиси намояндагони Маҷлиси Олии ҷумҳурӣ Убайдулло Давлатов бо хизматчиёни давлатӣ ва аҳли ҷамоатчигии шаҳр матраҳ гардид. У. Давлатов зикр кард, ки ҳадафи вохўриҳои вакилони палатаи поёнии парлумони мамлакат дар минтақаҳои мухталифи кишвар тавсеаи робитаи мустақими вакилон бо интихобкунандагон аст. Зимни вохўрӣ роҳбарияти шаҳри Ваҳдат ва хизматчиёни давлатӣ ҷиҳати беҳдошти вазъи иҷтимоӣ ва тағйиру иловаҳои воридгардида ба як қатор қонунҳои кишвар ибрози назар намуданд. Ҳазамон вакили палатаи поёнии парлумони мамлакат бо аҳли заҳмати ҷамоати деҳоти Бозорбой Бурунов мулоқот анҷом дод. Сокинони ҷамоати мазкур атрофи баъзе мушкилоти ҳаёти иҷтимоиашон сухан гуфта, ба намояндаи худ дар парлумон саволу пешниҳодҳо ироа карданд. У. Давлатов зикр намуд, ки тамоми масъалаҳои пешниҳодшуда ҳатман ба ҷаласаҳои ояндаи парлумон ворид ва мавриди баррасӣ қарор дода мешаванд.15.32.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






