Раиси нави ИХТ ҶТ

Душанбе, 21 сентябр. (АМИТ «Ховар», Людмила Дубинина).-Чанде пеш дар Вазорати фарҳанги Тоҷикистон анҷумани ғайринавбатии Иттифоқи ходимони театрӣ (ИХТ) баргузор гардид. Дар кори анҷуман вазири фарҳанги ҶТ Мирзошоҳрух Асрорӣ, президенти Конфедератсияи байналмиллаии иттифоқҳои театрии ИДМ Валерий Шадрин ширкат доштанд. Иштирокдорони анҷуман масоили рушди театрҳои кишварро мавриди муҳокима қарор дода, ҳамчунин ислоҳоти Оинномаи Иттифоқи ходимони театриро қабул карданд. Директори театри драмаи русии ба номи Владимир Маяковский Суҳроб Мирзоев бо усули овоздиҳии умумӣ раиси нави иттифоқ интихоб гардид. Ғайр аз ин котиботи Иттифоқи ходимони театрӣ иборат аз 9 нафар интихоб гардид, ки ба он роҳбарони театрҳои шаҳрию вилоятӣ шомиланд. Дар ин бора директори театри ба номи Владимир Маяковский Суҳроб Мирзоев ба АМИТ «Ховар» хабар дод.