Сӯхтор дар амбори «Тоҷикматлубот»

Душанбе, 24 сентябр. (АМИТ «Ховар», Мавҷуда Анварӣ). – 22 сентябри соли ҷорӣ соати 22:00-дақиқа дар амбори Ҷамъияти «Тоҷикматлубот» воқеъ дар кӯчаи Шар-Шари ноҳияи Вахш, дар коргоҳи пахтатозакунӣ сӯхтор ба амал омад. Дар натиҷаи сӯхтор оташ ба 580 метри мураббаъ паҳн шуда, 100 кило пахтаи тозакардашуда сӯхт ва як нафар корманди коргоҳ — Раҳматулло Валиеви 23-сола бо ҷароҳати сӯхтагии дараҷаи 3-юм (40%) гирифта, дар беморхонаи марказии ноҳия бистарӣ шудааст.Аз Вазорати корҳои дохилаи кишвар ба АМИТ «Ховар» иттилоъ доданд, ки зарари расонидашуда 12 000 сомониро ташкил медиҳад. Сабаби сар задани сӯхтор кафидани чароғаки тафсони барқӣ дар дохили коргоҳи пахтатозакунӣ буда, гунаҳгори сӯхтор худи иҷоракор Сабзалӣ Табаров аст.