Сафари 43-юмини Президенти кишвар ба Бадахшон

Хоруғ, 18 сентябр. (АМИТ «Ховар», Л. Додо).- Имрӯз Президенти кишвар Эмомалӣ Раҳмон маротибаи 43-юм аст, ки ба Бадахшон ташриф меорад. Сарвари кишвар дар маросими мавриди истифода қарор додани биноҳои боҳашамати маркази таълимӣ барои кӯдакони маъюб ва хобгоҳи Маркази маъюбон дар ноҳияи Рӯшон ширкат варзид. Баъдан Сарвари давлат ба маркази нави ноҳияи Шуғнон, ки кулли биноҳояш мавриди истифода қарор дода шудаанд, меравад ва инчунин дар шаҳри Хоруғ дар ифтитоҳи бинои фабрикаи дӯзандагӣ барои 120 нафар дӯзанда ва бунёди шабакаи обрасонии маркази вилоят ширкат меварзад.