Сафари кории С.Девонаев ба Бошқирдистон
Душанбе, 7 сентябр.(АМИТ «Ховар», Покиза Маҳмадбекова).- Сардори Хадамоти муҳоҷирати назди Ҳукумати Ҷумҳурии Тоҷикистон Сафиалло Девонаев дар доираи сафари корӣ ба Федератсияи Русия бо сардори Раёсати Хадамоти федералии муҳоҷирати Русия дар Ҷумҳурии Бошқирдистон Борис Гузаиров мулоқот намуд. Тавре ки аз Хадамоти муҳоҷирати Ҷумҳурии Тоҷикистон дар Федератсияи Русия ба АМИТ «Ховар» хабар доданд, зимни мулоқот масоили вазъи муҳоҷират дар ҷумҳурӣ ва қонунӣ гардонидани фаъолияти шаҳрвандони Тоҷикистон дар Ҷумҳурии Бошқирдистон мавриди муҳокима қарор гирифт. Мусоҳибон ба ҳифзи ҳуқуқҳои муҳоҷирон, такмили касбу ихтисоси онҳо ва омӯзиши забони русӣ таваҷҷӯҳи хосса зоҳир намуданд. Сафиалло Девонаев зикр намуд, ки ба манзури рушду густариш бахшидани фаъолияти шаҳрвандони Тоҷикистон дар хориҷи кишвар Корхонаи воҳиди давлатии «Тоҷикхориҷакор» таъсис ва дар Федератсияи Русия намояндагии он ифтитоҳ ёфтааст. Борис Гузаиров дар навбати худ фаъолияти меҳнатии шаҳрвандони Тоҷикистон дар ҳудуди Ҷумҳурии Бошқирдистонро ба дараҷаи баланд арзёбӣ намуда, гуфт ки, то 1 сентябри соли 2012 мақомоти Раёсати Хадамоти федералии муҳоҷирати Русия дар Ҷумҳурии Бошқирдистон 6 ҳазору 200 нафар шаҳрвандони Тоҷикистонро ба қайд гирифтааст.
Имрӯз дар Тоҷикистон борони кӯтоҳмуддат меборад
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
Имрӯз мардуми Мамлакати Шоҳигарии Арабистони Саудӣ 96-солагии ҷашни миллияшонро таҷлил менамоянд
Аз 23 то 25 сентябр дар баъзе минтақаҳои Тоҷикистон омадани сел пешгӯӣ мешавад
Тоҷикистон пас аз рӯзи сеюми Бозиҳои Осиёӣ-2026 дар ҷадвали медалҳо дар зинаи ҳафтум қарор дорад
Дар Тоҷикистон беш аз 800 ҳазор тонна зироати ғалладонагӣ ҷамъоварӣ шудааст
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир шуд
