Сатҳи бекорӣ дар Тоҷикистон 2,6 фоиз

Душанбе, 27 сентябр. (АМИТ «Ховар», Покиза Маҳмадбекова).- Дар аввали моҳи августи соли ҷорӣ беш аз 76 ҳазор нафар бекорон дар қайди хадамоти шуғли аҳолии Тоҷикистон қарор доштанд, ки ин назар ба ҳамин давраи соли гузашта 3,7 фоиз зиёд аст. Дар ҳамин муддат теъдоди бекороне, ки дар хадамоти шуғли аҳолии Вазорати меҳнат ва ҳифзи иҷтимоии Ҷумҳурии Тоҷикистон расман ба қайд гирифта шудаанд, қариб 56 ҳазор нафарро ташкил дод, ки 51,6 нафари онҳоро занони бекор ташкил медиҳанд. Сатҳи расман ба қайд гирифташудаи бекорӣ 2,6 фоизи аҳолии аз нигоҳи иқтисодӣ фаъолро ташкил дод.