Шаҳритус -пешсафи маъракаи пахтачинӣ

Душанбе, 26 сентябр. (АМИТ «Ховар», Фирӯза Давлатова). — Кишоварзони ҷумҳурӣ соли ҷорӣ дар майдони 199 466 гектар чигит кишт намуда, тибқи нақша бояд 401 115 тонна пахта ҷамъоварӣ намоянд. Имрӯзҳо дар майдонҳои пахтазори кишвар 220651 нафар чинакчӣ машғули ҷамъоварии пахта аст.Дар вилояти Хатлон дар майдони 128118 гектар пахта кишт намуда, то имрўз 132884 тонна пахта ҷамъоварӣ шудааст.Дар ноҳияҳои Шаҳритус ҷамъоварии пахта 79,2, дар Сарбанд 77,1, дар Носири Хусрав 58,8 ва дар Бохтар 58,5 фоиз иҷро гардидааст.Дар вилояти Суғд 70952 тонна пахта ҷамъоварӣ шудааст, ки баробари 43,8 фоизи дурнамо мебошад. Ҷамъоварии пахта дар ноҳияҳои Спитамен, Конибодом, Ҷаббор Расулов нисбат ба дигар ноҳияҳо хуб ба роҳ монда шудааст. Дар ноҳияҳои тобеи ҷумҳурӣ ҷамъоварии пахта 25115 тоннаро ташкил медиҳад,ки дар айни замон ба миқдори 29,2 тонна ҷамъоварӣ шудааст. Пахтакорони ноҳияи Ҳисор дурнамои ҷамъоварии пахтаро ба 50,9 фоиз расониданд.