Суръати баланд — омили маргзо

Душанбе, 28 сентябр. (АМИТ «Ховар», Фарзона Достонзода) Мувофиқи хабари Вазорати корҳои дохилии ҷумҳурӣ, ронандаи мошини тамғаи «Opel Astra» Абдуҷалол Каримов, соли таваллудаш 1987, сокини деҳаи Қалъаи лаби оби ноҳияи Тоҷикобод, ҳангоми ҳаракат дар роҳи мошингарди Ваҳдат-Ҷиргатол дар километри 210-ум суръати воситаи нақлиётро баланд намуда, аз ӯҳдаи идораи он набаромада, ноболиғон Муҳаммади Мустафо, соли таваллудаш 2003, сокини деҳаи Зарафшони ҳамин ноҳия ва Идибек Хушвахтов, соли таваллудаш 2000, сокини ҳамон деҳаро пахш намуд. Тавре ки ба АМИТ «Ховар» аз маркази матбуоти Вазорати корҳои дохилӣ иттилоъ доданд, дар натиҷа ноболиғон ҷароҳати вазнини ҷисмонӣ бардошта, дар ҷойи ҳодиса ба ҳалокат расидаанд.