Таҷлили ҷашн дар Кумитаи сармоягузорӣ

Душанбе, 7 сентябр. (АМИТ «Ховар», Бекназари Абӯбакр). — «Истиқлолият рамзи шарафу номус» — таҳти чунин ном дар Кумитаи давлатии сармоягузорӣ ва идораи амволи давлатии Ҷумҳурии Тоҷикистон маҷлиси тантанавӣ бахшида ба 21-умин солгарди Истиқлолияти давлатии Тоҷикистон доир гардид. Раиси Кумитаи мазкур Давлаталӣ Саидов аҳамияти истиқлолиятро дар рушди соҳаҳои мухталиф, аз ҷумла иқтисоди миллӣ самараи нек арзёбӣ намуда, афзуд, ки новобаста аз дастовардҳои зиёд барои расидан ба ҳадафҳои комил ва татбиқи афзалиятҳои миллӣ корҳои зиёдеро бояд анҷом дод, ки он аз мо ҳисси масъулият ва азму талошро талаб мекунад, зеро рушду ободии кишвари соҳибистиқлоли Тоҷикистон ва некӯаҳволии мардуми шарифи он аз ин вобастагии калон дорад.