Таҷлили ҷашни истиқлол бе гузашти низомӣ

Душанбе, 4 сентябр.(АМИТ «Ховар», Зарангез Латифова).-Тибқи иттилои сардори маркази матбуоти Вазорати мудофиаи ҷумҳурӣ Фаридун Маҳмадалиев, имсол ҷашни навбатии солгарди истиқлоли Тоҷикистон бе гузашти низомӣ таҷлил мегардад. Мавсуф афзуд, ки соли ҷорӣ гузашти маъмулии низомӣ бахшида ба таҷлили ҷашни 21-умин солгарди истиқлоли ҷумҳурӣ бо иштироки ҷузъу томҳои Вазорати мудофиа доир намегардад.Ба гуфтаи ӯ, дар тамоми қисмҳои низомии вазорат ба ин муносибат мусобиқоти варзишӣ ва озмунҳо доир гардида, пешсафони хизмати ҳарбӣ бо тӯҳфаҳо қадрдонӣ мегарданд.